2024 წელს ვაკანსიების სიმრავლით გამოირჩეოდა: მომსახურებისა და გაყიდვების სფეროში დასაქმებული პირების, ოფისის დამხმარე პერსონალის, დამწყები კვალიფიკაციის მუშების, ხელოსნების, სპეციალისტების, მენეჯერების, ტექნიკოსების, დანადგარებისა და მოწყობილობების ოპერატორების ძირითადი პროფესიული ჯგუფები. ძირითადი პროფესიული ჯგუფებიდან ვაკანსიები წინა წელთან შედარებით გაიზარდა: მენეჯერების (186%), ოფისის დამხმარე პერსონალის (173%), სოფლის, სატყეო და თევზის მეურნეობის კვალიფიციური მუშაკების (107%), დამწყები კვალიფიკაციის მუშების (74%),  მომსახურებებისა და გაყიდვების სფეროებში დასაქმებული პირებისა (54%) და სპეციალისტების (49%) ძირითად პროფესიულ ჯგუფებში. ხოლო ვაკანსიები შემცირდა: ხელოსნების (-55%), ტექნიკოსები (-26%), დანადგარებისა და მოწყობილობების ოპერატორების (-26%) ძირითად პროფესიულ ჯგუფებში.